Sveio skulekorps høyrer til i Sveio kommune som ligg heilt sør i Hordaland fylke. Korpset vart stifta etter vedtak i Sveio skulestyre i 1962. Talet på medlemmer har gjennom dei fleste åra stort sett vore mellom 20-24.

Dei siste tre åra har medlemstalet i hovudkorpset vore omlag 35 musikantar og det totale medlemstalet i korpset med aspirantar og juniorar har vore ca.50

Den siste vanskelege perioden hadde me i 1998. Manglande rekruttering gjennom fleire år samstundes som mange gjekk av for aldersgrense, førte til store vanskar for oss.

Korpset deltek på fleire konkurransar i tillegg til NM kvart år, og dette skal stimulera til ei positiv musikalsk utvikling.

Stor var gleda då korpset våren 2003 vann 2.divisjon i NM, og musikantane avgjorde at dei ville forsøkja seg i 1. divisjon året etter. Her har dei heldt seg sidan.

Som oppkøyring til konkurransar og konsertar arrangerer me helgeseminar. Seminara er viktige for å skapa samhald, trivsel og musikalsk utvikling på tvers av aldersgrupper samstundes som venskap, samhald og musikalske utfordringar skal styrkjast innad i dei ulike aldersgruppene.