Sveiomarknaden vart denne gongen avvikla helga 9.-10. juni i nye omgivnader på Sveio nye skule. Utstillingsområdet i den nye hallen var tettpakka av utstillarar innan kunst og handverk, næringsliv og lag og organisasjonar - samla nærare 100 aktørar. Underhaldningsinnslaga gjekk dels i uteamfiet og dels i auditoriet - med klovnen Silja som ein populær aktør blant dei yngste .

Roald Tellnes hadde gjesteutstilling i musikkrommet og  Dance With a Stranger leverte ein flott konsert frå utescenen. Laurdagen hadde marknaden rekordbesøk, medan det strålandet veret gav nedgang på sundagen. Samla tangerte me rekordresultatet frå 2005.

Sjå promoteringsfilmen her!

Marknaden fokuserer på kunst og handverk og dette året var Roald Tellnes gjesteutstillar medan over 20 andre stilte ut sine kunst- og handverksprodukt. Hovudgevinstane i kunstlotteriet var også Tellnes-produkt.

Det var stor deltaking med over 100 aktørar/utstillarar innafor kunst, handverk, næringsliv, underhaldning, hobby & fritid og arrangøren lovar ei yrande marknadsstemning.

Lunds Tivoli stilte med større utstyrpark enn nokon gong og hadde aktivitetar for barn og unge i alle aldrar. Tradisjonen med helikoptersightseeing var som alltid like populær.

Naturleg nok vart det også festkonsert med arrangørkorpset, Sveio skulekorps og feiande drilloppvisning med Sveio drillkorps og danseoppvisning med Karoline Lønning og Cato Kleiven.

http://www.dancewithastranger.com/

http://www.musicfest.no/index.asp

http://www.klovn.no/klovnen-silja.htm

Med helsing

For Sveiomarknaden 2007

Per Bjørn Habbestad