Sveiomarknaden har vore arrangert av Sveio Skulekorps i 1989, 90, 91, 92, 93, 95, 97, 99, 2001, 2003 og 2005. Gjennom dette arrangementet mønstrar ein kunst og handverk, næringsliv og frivillege lag og organisasjonar for å presentera Sveio for bygdefolket og Haugalandet/Sunnhordland. Til Sveiomarknaden høyrer også tivoli, underhaldning, politikk og musikk. Sveiomarknaden samlar mellom 4 og 5000 menneske og er det største arrangementet i Sveio kommune.
Sveiomarknaden 2005
Helga 11.-12. juni gjekk Sveiomarknaden på ny av stabelen på Sveio skule.
Publikumsmagneten i år var nok Vazelina Biloppøggers som heldt familiekonsert med bandet sitt på sundagen. Rocketrollet har famileshow på laurdagen og Lunds Tivoli stiller med attraksjonar for barn og unge i alle aldrar.
Marknaden fokuserer på kunst og handverk og nytt av året var kunstlotteri og gjesteutstilling med kunstnarane Trygve Goa, Billy Roy Økland og Torleiv Tveit. For øvrig var det 50 % fleire utstillarar innan kunst og handverk denne gongen !
Me hadde også rekordstor deltaking med over 100 aktørar/utstillarar innanfor kunst, handverk, næringsliv, underhaldning, hobby & fritid og kan lova ei yrande marknadsstemning.
Hobby og fritid var nøkkeltema og mange ulike aktivitetar blei demonstrert som t.d.: modellbilar, rasekaniner, rasefjørfe, papeøyar, pizzapappbåtar, MC-, Amcar- og veteranbilkortesje, drilloppvisning , Sveioløpet , konditoroppvisning , kakekonkurranse , dressurridning, vektløfting og mykje meir !
Lunds Tivoli stilte med større utstyrpark enn nokon gong og hadde aktivitetar for barn og unge i alle aldrar. Tradisjonen med helikoptersightseeing var også, som alltid, like populær.
Naturleg nok vart det også festkonsert med arrangørkorpset og eige innslag med vinnaren av Haugaland-talentiaden i 2004, sveiojenta Ann Cecilie Stokkenes Davis.
Vegard Prøysen og Ragnar Enge presenterte dessutan sitt Prøysen-samarbeid frå scenen på sundagen.
Laurdagen gjekk starten for stortingsvalkampen i Sveio med paneldebatt under leiing av den frittalande Ragnar Larsen.
100-års-jubileet for unionsoppløysinga vart markert ved eiga utstilling av handverkstradisjonar i samarbeid med Sveio kommune.
Arrangøren, Sveio skulekorps, venta rekordoppslutnad med meir enn 5000 besøkjande frå Sunnhordland og Haugalandet, og forventningane innfridde. Her vart det program for ein kvar smak med grillmåltid og Vazelina i eit yrande folkeliv og ein god drøs over kaffikoppen.
Komité for Sveiomarknaden 2005:
| Namn/E-post | Ansvarsområde | Telefon |
| Per Bjørn Habbestad | Ansvar for underhaldning og PR, leiar | 53740536 |
| Karl Johan Lier | Ansvar for økonomi og næringsliv | 53740613 |
| Bent Rune Sinnes | Ansvar for kunst- og handverksutstilling | 53742082 |
| Roald Johannessen | Ansvar for lotteri og kafédrift/kjøkken | 53740112 |
| Kjell Gunnar Nymark | Ansvar for program og plakatar | 53740697 |
| Mikal Liknes | Ansvar for organisering av stands/tivoli | 53740549 |
| Arne Birkeland | Ansvar for musikkfestivalen | 53740778 |
| Svein Hundsnes | Ansvar for frivillege lag og hobbyaktivitetar | 53740685 |