Fredag: Øving på Vigdartun fra 17.00 – 18.45
Etter øvingen: korpset kjøper billett til de som vil på konsert med Dreampilot i Sveio Kirke. For de som er gamle nok så kan de og bruke billetten på ”House of Fun” etterpå. Det går buss til Tittelsnes og Ekrene etter ”House of Fun”
Lørdag: øving på Vigdartun fra 10.30 - 15.00, mat klokken 13.00
Søndag: Øving på Vigdartun fra 11.00 – 15.00, mat klokken 13.30
Seminaret avsluttes med konsert på søndag kl 15.30.
Sveio skulekorps inviterer med dette til BRASS 2008
BRASS 2008 blir arrangert i Festiviteten, Haugesund for 19. gong
lørdag 8. november 2008.
Påmelding innan 1. oktober 2008 til mikal-jl@online.no
Bruk påmeldingsskjema: Brass 2008 skjema
Resultatlistene frå Brass 2007 er nå lagt ut på nettet. Du kan finna dei her
10. november går startskotet for Brass 2007. Konkurransen går av stabelen i Festiviteten i Haugesund, og er ein programkonkurranse for både skulekorps og amatørkorps.
Årets dommarar er Yngve Nikolaisen og Jan Magne Olsen.
Det etablerte 2. divisjonskorpset Tysnes Musikklag står for festkonserten. Dei kan mellom anna skilta med ein 3. plass i nemnte divisjon under NM 2006.
Det er muleg å melda seg på i følgjande klassar:
Dei tre første i kvar klasse og divisjon får pokal, og vandrepokal blir tildelt korpset med høgast poengsum. Det blir gitt pokal til beste solist, og alle korpsa får diplom og ei skriftleg vurdering av dommarane.
Detaljert informasjon og påmeldingsskjema finn du ved å klikka på lenkja nedanfor.
Sveio Skulekorps deltok i helga i NM for skulekorps - 1. divisjon. Også i år blei konkurransen for hard, og korpset måtte sjå seg slått av samtlege konkurrentar, og endte sist i divisjonen.
Det var tett mellom dei siste på resultatlista, og det var kort avstand til mangeårig norgesmeister Førre Musikkorps og fjorårets innehavar av 2. plass, Damsgård og Kjøkkelvik Skoles Musikkorps.
Sveio Skulekorps, under direksjon av Reidar Tollefsen som steppa inn på kort varsel og gjorde ein kjempejobb, hadde ein optimal sceneprestasjon. At det var åtte korps som gjorde det betre, var det ingenting å gjera med.
Dommarane kom med gode tilbakemeldingar på teknikk, dynamikk og solistar, medan det var ein del å henta på intonasjon, balanse og artikulasjon.
Korpset er ved godt mot, og ser fram til å kjempa vidare mot norgestoppen!
Sveiomarknaden vart denne gongen avvikla i nye omgivnader på sveio nye
skule. Utstillingsområdet i den nye hallen var tettpakka av utstillarar
innan kunst og handverk, næringsliv og lag og organisasjonar - samla nærare
100 aktørar. Underhaldningsinnslaga gjekk dels i uteamfiet og dels i
auditoriet - med klovnen Silja som ein populær aktør blant dei yngste .
Roald Tellnes hadde gjesteutstilling i musikkrommet og Dance With a
Stranger leverte ein flott konsert frå utescenen. Laurdagen hadde marknaden
rekordbesøk, medan det strålandet veret gav nedgang på sundagen. Samla
tangerte me rekordresultatet frå 2005.
Helga 9. - 10. juni går Sveiomarknaden av stabelen på Sveio nye skule.
(Oppdatering!) Sjå promoteringsfilm her
Så var det klart for tur igjen. Sveio Skulekorps reiste ned til Spania for tredje gong. Mange spente musikantar møtte opp på Sveio Skule for å ta bussen til Stavanger. Les meir om ‘Tur til Malaga 2007′
På grunn av manglar og feil på dei gamle sidene, blei dei eit lett offer for spam og hacking.
Me såg oss difor nøydde til å laga nye sider, og dette er resultatet. Sidene er bygt ved hjelp av Wordpress, og som du ser har dei ei ganske ulik oppbyggjing frå dei gamle sidene. Bruk menyen ovanfor til å navigera, og ver venleg å senda meg ein e-post om du skulle koma over nokre feil.
Når det gjeld forumet og galleriet har eg oppgradert begge til dei nyaste versjonane. Dette har medført at temaet her er tilbakestilt. Eg skal prøva å få på plass det same temaet her som på resten av sidene, men det kan kanskje ta litt tid. Det er óg verdt å merka seg at galleriet og forumet har språkinnstillingar på bokmål, rett og slett fordi eg ikkje klarte å finna brukande nynorskomsetjingar. Alt skal imidlertid fungera heilt fint teknisk sett, og det er berre til å setja seg ned til å lasta opp bilder og skriva i forumet!
Dersom du føler at du bør ha tilgang til å leggja ut nyheiter og anna, kan du kontakta meg, så skal eg ordna det. Publiseringssystemet er svært lett å ta i bruk - mykje lettare enn det gamle.
Eg vonar at dei nye sidene fell i smak!
-Stig Roar
Resultatlister frå årets konkurranse er nå å finna ved å navigera seg fram i menyen ovanfor. Me vil gratulera Førre Musikkorps, Moster Skulekorps og Musikkorpset Heimdal/Førde Musikkorps med førsteplassane, og ikkje minst Frank Roger Eikeland og Hege Øvrebø med vel fortente solistprisar.